كتعاود ليا ودموع كينزلو ليها عنقتها ديك ساع بين دراعي وقلت ليها انا معاك وعمري غادي نسمح فيك وغادي نشوف ليك احسن طبيب لي يقدر يدير ليك شي عملية وترجعي البصر ديالك
-لا مغاديش نسمح بهادشي مستحيل راه العملية كطلب فلوس كثيرة مبغيتكش تخسر فلوسك على قبلي ومعرت واش تنجح ولا نن
-اش هاد الهضرة حياتك هيا لولا لفلوس كتمشي وتجي (اصلا كاع معرقت عليها
😂 كلشي ديال الله ) مسحت ليها دموعها وقربت حدا ودنها وقلت ليها من هاد ليلة عينيا هوما عينك وقلبي كتبت فيه سميتك وحياتك هي حياتي واحلامك هوما أحلامي فاش غادي ترجعي تشوفي غادي نحقوهم بجوج-كان عندي حلم واحد وهو نموت ودابا ولا عندي حلم هو نشوفك صافي
-إنشأ الله غادي تشوفيني وتشوفي ولادنا. .وانا نبوسها فحنكها وبقيت معنقها مشعرت براسي حتى بديت كنفلورطي معاها وكان واحد الجو زوين وليل نفس ديكور مع لارا فاش كنت كنفلورطي معاها ف البحر نيت ناري معرفت علاش باقي كنفكر فيها خاصني رجع ضروري نطلب منها سماحة مي ماشي وقت هادشي دابا ...وقفت لاورا وتميت شاد ليها فيديها وغادين وهيا تقول ليا دابا شنو غادي دير فحياتك من بعد موقع ليك داكشي وهربتي هنا
-انا راه ماشي هربت واقيلة الله لي صيفطني هنا باش ندير عقلي ونتوب ونخرجك نتي من هاد ضلام لي عايشة فيه ....فاش قلت ليها الله لي صيفطني وكدا جاتها غريبة حاجة نورمال مع هيا ماشي مسلمة بديت كنشرح ليها بلي انا أصلي من مغرب دولة إسلامية وقلت ليها تقول اشهد انا لا الة الا الله واشهد انا محمد رسول الله وبقيت معاها حتا قالتها بالعربية وبقينا مجمعين معرفتش كيفاش حتا خرجت ليا هاد الكلمة قلت ليها فاش نتزوجو نمشيو ندوزو شهر العسل ف المغرب سيدا بغات طير بالفرحة عنقاتني وأنا نهزها وبديت كنغوت كنقول ليها جوطيم لاورا وهيا تبدا طيح شتاء نزلتها وأنا نجرها نتخشاو فشي كوان مبغاتش قالت ليا شتاء زوينة وكتعجبني بزاااف وهيا تبدا تقلب على يديا وأنا نشدها وقلت ليها راه غادي تمرضي ازمر ياله نتخباو من شتاء
-مارك عفاااك خلينا
ههه حمقة حيدت دجاكيطة ديالي وانا نديرها علينا فوق راسنا وبدينا تنتباوسو أححح رومانسية كيصحاب ليا راسي غير مثل فشي فيلم ..شويا كتحبس شتاء قلت ليها قولي نمرة ديال شي صاحبتك باش تجي ديك ..قالت ليا نمرة صونيت على صحبتها قلت ليها البلاصة فلان فلاني ..جات عدنا خدات لاورا ومشات تميت غادي على رجليا أنا وباقي ممصدقش بلي هادشي كامل وقع ليا ف نهار واحد دغيا تبدلت لعجب ..بقيت غادي حتى كنوصل لواحد شاريع فااااك فكرني ف بروكسل شحال يال تيتيز و ودراري كل فوق الموطور ديالو و لمزيكاا هادشي عندهم زوين ياله بغيت نقلب طريق نزيد بحالي وأنا نشوف فرانك فوق واحد الموطور تصدمت لا لا واقيلة غير كيشبه ليه ولا كنتخايل كيفاش ومنين جاب الموطور والله حتى نمشي نشوف ..تميت غادي عندو مع وصلت وهو يقول ليا عشيري مارك مرحبا كيفاش حتا لقيتيني وهو يغوت كلشي سكت قال ليهم كنقدم ليكم عشيري مارك اقواد واحد ف سباق الدراجات النارية. .كلشي بقا كيشوف فيا وهيا تم جايا عندي واحد الطحبة بدات كتملس فيا وانا ندفعها قلت لفرانك أش كدير هنا ومنين جبتي هاد الموطور
-مارك مارك أش هاد أسلة اصاحبي تعرفت على واحد صديق وبدينا كنهضرو وكتاشفت بلي حتا هو كيشارك فهاد سباقات وسولتو واش اليوم كاين شي سباق قال ليا أه تزعزت ديك ساع وضبر ليا ف موطور باش نشارك معاهم تفرج تفرج غادي ربحو بزااف ديال لفلوس
-معامن تشاورتي نتا سكران دابا هبط هبط ياله نمشيو
-حيد يدك مغاديش نمشي حتى ربح
صافي مع قال ليا هاكة كندخل فيه براسي طاح جا بنادم بدا كيف فينا قلت ليه عقل على هادشي وأنا نمشي بحالي شديت طاكسي نيشان أوطيل طلع ليا دم مكانش عليه يدير شي حاجة قبل ميتشاور معايا دغيا دار صاحب جديد وعطاه موطور فاااك ..وصلت دخلت خديت دوش بدلت حوايجي تكيت بديت كنتفكر داكشي لي دوزت مع لاورا اول مرة غادي نعرف شنو هو الحب وتعيش الحضة زوينة شويا وأنا نتفكر الهلاوي ديال فرانك قودها عليا هز فلوس بزاااف ومقال ليا والو وأنا دوك لفلوس بغيت ندير بيهم عملية لاورا ..بقيت كنهضر مع راسي حتى داني نعاس ....فقت مع صباااح مكلقاش فرانك كاع مجا البارح بليل ناري ياك ما وقعت ليه شي حاجة عمري غادي نسامح راسي حيت مشيت وخليتو فديك الحالة. .لبست حوايجي بزربة ياله بغيت نفتح لباب نخرج نمشي نشوف فين كاين وهو يدخل شاف فيا وهو يقول ليا كنتي غادي تقلب عليا ياك سمح ليا اخويا درت غالط البارح بلا منحس كان عليا نقولها ليك على أقل
-صافي موقع والو نتا بيخير بعدا
-اه بيخير
-انا راه بغيت نبعد على ديك طريق كاملة بغيت نبدا حياة جديدة ونشوف شي خدمة نقية
-واش كدوي بصح حنا شنو كنعرفو نديرو من غير نسرقو ونتسابقو
-ديك طريق غادي توصلنا الحبس ولا الموت حاجة خرة راه تعرفت على واحد البنت ومكتشوفش أجي كلس نعاود ليك كلشي بتفاصيل. ..كلسنا وأنا نعاود ليه القصة ديالها كاملة كيف عوداتها ليا ..أول مرة نشوف فرانك تأثر بشي حاجة قال ليا انا معاك ياله دابا نشوفو شي طبيب محد عدنا لفلوس ..مصدقتش انا فاش قال ليا هاد الهضرة عنقتو من الفرحة قلت ليه تسنا نفطرو وقفت هزيت تيلي لي كاين تم قلت ليهم يجيبو لينا الفطور من بعد وأنا نسول فرانك قلت ليه أجي بعدا واش ربحتي البارح
-بينسوغ انا لي غادي ربح ولكن راه مات واحد بسبابي
-من نيتك شنو وقع
-راك عارف البارح كانت شتاء وطريق بقات فيها الماء كتزلق واحد خونا بغا يتصور عليا وأنا ندير ليه لعيبة فجعيبة زلق بيه الموطور كان غادي عافط ومات هادشي لي وقع
'-شفتي أش قلت ليك داكشي كيصيفط الحبس ولا القبر على العموم من اليوم نسا ديك الحياة غادي نبداو حياة خرة ..شويا كنسمع دقان باينة الفطور جا ..مع فتحت كلقا فردي على راسي فاااك شحال من واحد مشينا فيها ....(يتبع..)