عنقتو وتمينا غادين باش نشدو طاكسي وهوما يبانو ليا بزاااف ديال طومبيلات وقفو كاملين كحلين كلشي هبط لابسين لكحل شويا كيبان ليا داك ولد طيط لي كان حط ليا لفردي فمي كيفتح لباب ديال طومبيل كيهبط منها داك شيباني رئيس ديال العصابة ديالهم هو غادي القدام وكلشي من وراه بحال شي مالك ولد لعبد عندو جيش وهو يقول ليا فرانك ياله زيدو من هنا
-ولكن أش جاو هادو يديرو
-بحال والو عندهم شي واحد ف عائلة هنا ف المستشفى أجي ونتا مالك ياله اصاحبي نوجدو داكشي راه ليل عدنا جوج سباقات
-واخا ياله ...شدينا طاكسي نيشان أوطيل فطرنا مع كان صباح هو يقول ليا أنا غادي نمشي نتصرف ليك بشي موطور مقود
- سي بي ار بروجولة كنتفاهم انا وياه
-صافي كون هاني نخليك دابا
خرج فرانك بقيت بوحدي وكنت عيان مع ديما ف المستشفى دخلت لبيت تكيت داني نعاس حتى جا فرانك فيقني قلت ليه شحال دابا ف ساعة
-3 راه جيت قبيلة غير مبغيتش نفيقك لمهم جبت ليك سي بي ار عمر مولاه خسر بيه غير إلى مبغيتش تربح وصافي نوض غسل وجهك وخشي فوجهك وها لكونطاكط هبط ضرب بيه دويرة ورجع رد عليا سباق غادي يكون مع ديك 12 غادي نوصلك الشارع قبل باش نمشي انا فين كاين سباق جماعي نشارك باش هاكة نجمعو لفلوس دغيا
-معرفتش شنو غادي نقول ليك عمري كنت كنتخايل غادي تبدل حيتنا بحال هاكة وخصوصا نتا
-حتى أنا عمري كنت كنتخايل نتا غادي تولي تحب شي بنت ودير هادشي كامل على قبلها اه قبل منسا تعرفت على واحد تيتيزة دابا ندير ونعرفك عليها
-ههه هاي هاي متقولش ليا تزعطي فيها وناوي تكمل معاها
-اه اصاحبي ياله سير
-ههه مسخوط ياله باي .....هبطت فرحان كنجري كنضرب في واحد البنت طاح ليا كتاب من يديها هبطنا فدقة ياله هزيت الكتاب بغيت نمدو ليها ونقول ليها سمحي ليا شفت فوجها وأنا نقول ليها لاورا قالت ليا عفواا فاااك غير كتشبه ليها ماشي هيا وأنا نقول ليها سمحي ليا خليتها وكملت طريقي وديك ضحكة مشات ليا فاش تفكرت ديك لاورا معرفتش علاش فينما كنتفكرها كنحس بدنب لمهم شي إحساس فشكل كيفاش زعمة غادي نعاود نشوفها ونطلب منها سماحة معرفتش طلعت فوق سي بي ار كيبان صداااع لون ديالو صفر وباقي نقي كندور الكونطاكط أححح على صويت فكرني ف الموطور ديالي صافي شديت طريق مكاين غير خور حتى شديت طريق رأسية وأنا نقول ليه أجي نشوف عندك لصقت ليه 200 وااااع مستحيل شي مخلوق يسبق مارك ...رجعت أوطيل عند فرانك وأنا نعنقو بديت تنبوس فيه قلت ليه أححح عليك الموطور مقود دغيا درتي صحاب ودغيا ثاقو فيك
-اش كتعرف عليا هه عرفتي شنو ياله غادي تمشي معايا باش نشد الموطور لي غادي نتسابق بيه انا ومن تما ندوز عند درية نعرفك عليها اصلا عاوت ليها عليك
-ياله دخلت اثبي
-ومن بعد ياله ياله
واخا هاهو غادي خرجنا خليتو هو يصوق وصلنا لواحد لكراج وهو يقول ليا فرانك دري راه ميكانيك ديال هاد العالم يقدر يخلي ليك الموطور يطير ف سماء
-طير غير نتا أودي انا باغي نبقا غير فوق أرض
-ههه واخا ياله ندخلو
دخلنا سلم على خونا من الوجه الوجه انا غير بيديا اصلا متنعرفوش وهو يقول ليه مارك اوا ركبتي ليا العيبة ف الموطور وأنا نقز ديك ساعة قلت ليه اشمن لعيبة جاوبني داك خونا ميكانيك قال ليا أجي تشوف تبعتو وهو يقول ليا هادا هو الموطور شفتي هاد لعيبة ديال غاز مجرد ما تورك على هاد بوطونة موطور غادي يمشي بحال شي صروخ. ..ديك ساع خنزرت في فرانك قلت ليه من نيتك باغي دجرب هاد لعجب
-اه اصاحبي باش ندخل انا لول وربح راك عارف
-لا اثبي حياتك عندي أهم من كلشي مغاديش نخليك تغامر وتجرب هاد لعجب واش عرفتي كيفاش غادي تم غادي فوق شانطي
-اه عارف صافي اصاحبي ترجل مغادي يوقع والو مالك كيما هاكة نسا
سكتني بالهضرة ولكن خاطري مهنانيش شد الموطور عند خونا خرجنا وهو يجبد تيلي ديالو صونا على ساطة ديالو سولها فين كاينة قالت ليه فشي حفلة ف ليخت على جنب المرصى هادشي لي قال ليا مشينا لتما نعماس دخلنا وااااع عالم تاني تيتيز بدو بياس وديدجي وبنادم زاهي وهو يقول ليا راه ساطة أجي معايا عرفني عليها سميتها لينا صراحة تيتيزة اصلا كلشي تيتيز تما بقينا مجمعين وسولاتني واش كاين شي واحدة في حياتي قلت ليه اه وصافي وخدات نمرة ديالي على أساس إلى كان تيلي ديال فرانك مخدامش تصوني ليا لمهم بنت فشكل نشطنا معاهم حتى قرب وقت سباق وحنا نزيدو أوطيل هزينا لفلوس كاملة انا ضربت كثر من فرانك حيت غادي نشارك ف سباق فردي بين جوج دناس يمكن ليك تحط لفلوس لي بغيتي ماشي بحال جماعي كلشي بحال بحال ...من بعد مشا معايا مارك لداك شارع لقيت فيه بزاااف ديال بنادم وطومبيلات ديال سباق حتى هوما دعوة مخلطا وهو يقول ليا فرانك ها نتا ضرب على راسك لا على قبل حبيبتك انا غادي نمشي ..عنقتو وأنا نقول ليه رد لبال راسك ومتهورش لفلوس ماشي هيا كلشي فهاد الحياة
- لا فلوس هيا كلشي فهاد الحياة اخويا إلى مكانوش لفلوس عمر حبيبتك غادي تقدر تشوف واش فهمتي علاش لفلوس شي حاجة قصح قلبك نخليك
-فرانك نتا ماشي صاحبي نتا خويا والواليد وكلشي نتا هو العائلة ديالي
-ههه من نيتك كتقول هاد الهضرة واش فيها شك عمر غادي نتفارقو على بعضيتنا من غير الموت هيا لي غادي تفرقنا ياله مبقاش الوقت بزاااف نشوفك من بعد سباق اه وجيب لعز
قال ليا هادشي ومشا عافط بقيت كندور في عينيا تما حتى كنشوف. ...(يتبع ..)
