#الجزء 3
بولتها ههه تناكت انا مقود بقات كتخنزر فيا وهيا دخل جابت ليا دجاكيطة وسباتني ومشات هه هانية ميبقاش فيا الحال لمهم رجعت تصرفيقة بطريقة ديالي رجعت ديك ساع الدار لقيت فرانك كيطيب شي تخربيق تما. .من بعد قصينا فاش كملت وهو ينزل عليا ضيم بقيت كنشوف في فرانك وأنا نقول ليه علاش عايشين انا وياك
-كيفاش من نيتك هادة سوأل دابا
-اه اصاحبي معارفين لا واليدينة ومعدنا حتا هدف فحياتنا بحال ناس وهادشي لي كنديرو فيه يقدر يلوحنا ف الحبس وحنا مقودة علينا
-هادشي كامل لي قلتي بصح ولكن واش عندك شي حل الهادشي
-لا ..واقيلة مكتاب علينا نعيشو بحال هاكة
-اش بان ليك نغيروها لشي دولة واحد المدة
-معرفتش خليني نفكر ورد عليك اوك
-صافي هيا هاديك على ما بين نكونو جمعنا شويا ديال لعاقة لي نصرفو
-على مولانا ....هيا هاديك دخلت لبيت جبدت نمرة ديال لارا حيت سجلت نمرة ديالها قبل منعطيها تيلي صونيت ليها وهيا تقول ليا شكون معايا قلت ليها مارك وهيا تقطع بنت لعبد فااااك صافي خرجنا بجوج بينا انا وفرانك كل واحد فسي بي ار ديالو بلان آله باين لي دزنا من حداه هاز شي حاجة يا تيلي يا صاك مكيبقاش فيدو كنخليو ليه غير البرد شويا كندوزو من حدا واحد لبنك كيبان لينا واحد خونا لابس كوستيم وهاز باليزة صغيرة أحححح كلشي باين سيد ياله مخرج لفلوس من لبنك زهرنا هادة مفيهاش طلعت زجاج ديال لكاسك عمزت فرانك بلي انا غادي نتصرف ..خليت خونا حتا بغا يركب ف طومبيل ديالو ركزت غير على شانطة لي فيها لفلوس كسيريت مزيان كندوز من حداه بحال البرد كنطير ليه باليزة من يدو وكنت مخلوع ديك ساع صراحة اول مرة غادي نفكر في بحال هاد الهمزة مي فاش شديت لباليزة فيدي صافي وليت كنشوف حياة آخر أحححح لعاقة ديال بصح تاني وصلنا الدار دخلنا الماطر حطينا دوك تليفونات لي سرقنا وجوج صيكان فيهم ميدار ولكن كلشي على لباليزة بغيت نفتحها ولكن لكود فاااك مي كلشي ليه لحل جبدت واحد المنشار ديال ضو وقطعتها وييييييع شحال ديال لعاقة مع شاف داكشي فرانك وهو يقول ليا شحال غادي نجيبو من طحبة وقرعة اليوم ...هه من نيتو هاد الهلاوي فاش كيفكر عير فشراب والعهارات مع هادة غادي شي هلوة تناكت صافي شويا كيصوني ليا تيلي كنجبدو كلقا لآرا أححح مال هادي حسات بيا درت لاباس ولا شنو جاوبت وهيا تقول ليا نتا لي سرقتي لبابا لباليزة لي فيها لفلوس ياك نتا امارك غير قول
تصدمت فاش سمعت هاد الهضرة معرفت راسي باش تبليت انعلديلمي انا سرقت للبنت في لول ودابا طحت في الواليد ديالها زربت عليها قلت ليها واش كتهضري بصح مالي غير أنا لي كنسرق راه أمة ديال شفارة فهاد المدينة واصلا انا كنسرق غير البنات صيكان ديالهم صافي ...خسرت عليا كلمة وحدة وهيا تقطع قالت ليا انا عارفك نتا غادي تندم ...خلاتني مخلوع وفرانك كيقول ليا أش كاين وأنا نقول ليه جمع حوايجك دابا نخرجو على المدينة ولا حياتنا غادي تمشي فداكشي
-لا شرح ليا شنو كاين بعدة مال لون ديال وجهك تبدل
-ماشي وقت هاد الهضرة ياله زرب جمع حوايجك ....داكشي لي كان جمعنا حوايجنا كاملين وحتا لفلوس خشينها مع الحوايج هبط عند ديك شارفة لي كارية لينا خلصتها في 3 شهور ديال لكرى حيت دار غادي نخليو فيها الماطر وداكشي لمهم من بعد هزينا صيكان ديالنا وخرجنا كنت خايف بزااف لا تمشي لارا مع باباها لبوليس وتقول ليهم بلي انا وهيا كتعرف وجهي فاااك على زهر ديال ثبي ...أول حاجة مشينا الخيرية فينا كنا ساكنين شفنا خالتي خديجة انا كنت كنقول ليها الواليدة حيت هيا لي كبراتنا وتهلات فينا راه كبرات دابا مسكينة قلنا ليها غادي نسافرو واحد المدة ورجعو عنقاتنا وبقات كتبكي وقالت لينا ردو لبال راسكم وبعدو على طريق الحرام أولادي فاش سمعت هادشي بديت كنبكي حيت طريق الحرام هيا لي خلاتنا نسافرو دابا ...من بعد خرجنا شدينا طاكسي نيشان ....(يتبع. .)