#الجزء 12
غادي يبقا عايش مي موحال واش يعاود يوقف على رجلو كيف كان من قبل اه وممكن فاش يفيق من الغيبوبة يكون فاقد ذاكرة ديالو
-كيفاش مغادي يعقل على والو ولا شنو
-هادشي لي كاين مي مع المدة يقدر يرجع ذاكرة ديالو ولكن باش يرجع يوقف مرة خرة مكنضنش
فاش سمعت هادشي كامل ركابيا فشلو عليا مقدرتش باقي نهضر دزت من حدا الغرفة فين كاين فرانك بقيت تنشوف فيه من زجاز ودموع كينزلو كنفكر شنو غادي نقول ليه فاش يفيق وعاد زيد عليها إلى بصح فقد ذاكرة ..خرجت من مستشفى طلعت فوق موطور بقيت غادي مورك وشارع كيصفر دنيا خويا معرفتش شحال ف ساعة وصلت حدا البحر أو انا نهبط وغوت على حر جهدي علاش كيوقع ليا هادشي أسيدي ربي علاش مكتاب عليا نعيش هاد الحياة وماشي حتى ف بلادي .كل مرة كتخرج ليا مصيبة من جنب واش أنا مسخوط الواليدين لا حيت عمري شفت واليدية أدان انا أكبر منحوس فهاد دنيا كيكون عندي زهر غير فداكشي تاع الحرام فااااك شنو غادي ندير دابا البنت لي كنبغي ناعسة ف صبيطار ودابا حتى عشيري ف صبيطار حالتو حالة وهادشي كامل بسبابي انا بقيت كالس حدا البحر وكنبكي حتى طلع عليا نهار جمعت الوقفة طلعت فوق موطور دورة لكونطاكط نيشان المستشفى فين كاين عشيري وصلت عندو لقيت واحد ممرضة الداخل عندو بقيت على برة حتى خرجت وأنا نسولها كيف بقا قالت ليا باقي ف حالة غيبوبة
-نقدر ندخل عندو
-اه تقدر دخل
-شكرا ...دخلت عندو كنشوف فيه فواحد الحالة كتقطع القلب وهو كاع مكاين فهاد العالم دابا بقيت كالس حداه معرت مندير باقي كيبانو ليا كاع لبيبان تسدو فوجهي شنو غادي انا دابا اه لاورا خاصني نمشي نشوفها لا لا خاصني نبقا حدا عشيري حتى يفيق باش يلقاني حداه وإلى كان بصح فقد ذاكرة خاص نكون فجنبو ونشرح ليه آش وقع منقدرش نخلي خويا ونمشي عند لاورا دابا ....طفيت تيلي وبقيت حدا فرانك نهار كامل وليل كامل ف صباااح جا عندو طبيب وقال ليا غير سير ترتاح أولدي موحال واش غادي يفيق من هنا لشي سيمانة ولا كثر راه كاينة ممرضة رادة ليه لبال غير كون هاني ....فاش سمعت هادشي درت بي كلام طبيب مشيت أوطيل دوشت وبدلت حوايجي شعلت تيلي كلقا لاورا مصونيا ليا شي 10 مرات وعشيرت فرانك حتى هيا فطرت واخا ماشي شي فطور حيت شهية مشات ..كنفكر شنو غادي نقول لاورا منين غادي نجيب ليها دوك لفلوس كاملة باش ندير ليها عملية وأنا وعتها باش ترجع تشوف تفووو على زهر وعشيري فرانك عمر غادي يقدر يمشي على رجليه علاش هادشي كامل علاش ياربي دير لي فيها الخير ...من بعد هبط ياله خرجت من أوطيل كلقا خونا عشير فرانك وافق ب طومبيل لي ربحت جا سلم عليا وهو يسول على فرانك قلت أش وقع لمهم شد الموطور ديالو وخديت طومبيل باقي خاصني نتلاقا مع خونا باش يحولها لسميتي مي ماشي وقت هادشي دابا مشيت المستشفى فين كاينة لاورا من البارح مشفتها وصلت تميت داخل وأنا نتلاقا مع طبيب قال ليا جيتي فالوقت علاش البارح مجيتيش فاش درنا العملية
-كيفاش اشمن عملية كتهضر عليها نتا
-عملية ديال لاورا على عينيها
-علاش درتو ليها العملية
-اه البارح وأنا دابا غادي عندها باش نشوف العملية واش نجحت ولا نن
-كيفاش ياك قلتي ليا حتى نخلص فلوس العملية عاد يمكن ديرو ليها عملية
-علاش ماشي نتا لي خلصني مصاريف المستشفى انا كنت تنصاحب نتا لي خلصتي هيا شي واحد ف عائلة ديالها لي خلص
-مستحيل عائلة ديالها معندهمش هاد لفلوس كاملة
-لمهم هو مصاريف المستشفى تخلاصات ماشي مهم شكون خلص مهم العملية تكون نجحت ياله نشوفو
قلت ليه واخا ولكن راسي باقي ضارني خاصني نعرف شكون هادا لي خلص هاد لفلوس كاملة وشنو بغا ...وصلنا الفرفة كلقا دوك ناس لي مربينها كالسين حداه وكيهضرو قلت سلمت عليهم وأنا نبوس رأس لاورا قلت ليها كيف بقيتي احياتي
-بيخير فين كنتي البارح
-من بعد ونعاود ليك مستعدا احبيبة
-مخلوعة بزااااف
-معندك مناش تخافي شديت ليها فيديها وجا طبيب حيد ليها الفاصمة من عينيها ..وهيا سادهم وهو يقول ليها فتحي عينك بشويا ...بدات كتفتح شويا وهيا تغوت قالت ليا مارك ضرب فيا شعة بزاااف
-حياتي حاولي تفتحي عينك بشويا بشويا
-واخا غادي نحاول واخا مقدرتش
بدات كتفتح بشوي بشوي وكتسد حتى فتحتهم كاملين بقات كتشوف فيا ودموع كينزلو ليها كلشي مصدوم تما قلت ليها حياتي واش كتشوفيني
-اه كنشوف كلشي
-بدون شعور عنقتها وبقات كتبوس فيا وكتقول ليا عمري غادي نسا ليك هادشي ف حياتي كاملة نتا هو أحسن شخص غادي نعرفو ف حياتي كنبغيك بزاااف معرفتش شنو غادي نقول ليك باقي ...قلت ليها معندك متقولي ليا لي بغيت هو تكوني فرحانة ف حياتك وانا مستعد نعوض ليك دوك اليامات كاملة لي كنتي عايشة ف ضلام كنبغيك ... من بعد طبيب دار ليها شي فوحصات تاني ودار ليها شي تقاطيرة ديال لعينين وقال ليها نعس دابا رتاحي العملية نجحت 100% قلت ليه شكرا على كلشي
-هاد واجب ممكن تبعني المكتب
-واخا خرجت معاه وصلنا المكتب كلست وهو يقول ليا شوف أولدي حالت لاورا باقة صعيبة داكشي علاش خاصك ترد ليها بال وحاول ديما تخليها فرحانة داكشي لي دازت منو ماشي ساهل
-متحتاجش توصيني راه دايرها بين عينية دابا خاصني نعرف شكون لي تكلف بالمصاريف ديال عملية باش رجع ليه فلوس اه أنا غادي نمشي نسول ...داكشي لي درت خرجت من المكتب مشيت عند خيتي لي مقابلة لاكيسط قلت ليها ممكن نعرف شكون خلص مصاريف ديال العملية تاع لاورا
-واخا تسنى نشوف ليك
-خودي راحتك
-اه هاد شخص لي تكلف مجهول مخلاش سميتو ﻹسف
فااااك قلت ليها صافي شكرا ياله تميت راجع عند لاورا وأنا نحس بشي واحد كيراقبني كندور كيتخبى اواه شكون هاد خونا واش زعمة يكون بصح تابعني ولا غير جاب ليا الله قلبت دورة خاصني نتأكد تميت غادي كندور .... (يتبع. .)