طلعت عند فرانك ياله فتحت لباب تاع الغرفة وااااع كنسمع صوت ديال شي بنت وداك صوت راكم عارفين قلت والله حتا نضرب طليلة كنطل كلقاه مكسل ليا نعماس الخدامة ديال الغرف ههه تناكت هبط لتحت بقيت كالس شويا حتا شفتها هيا هبطات وأنا نطلع عندو شنقت عليه قلت ليه واش نتا حمار معامن اصاحبي مع خدامة بغيتي تخرج علينا
-دابا نتا كتقول هادشي حيت دقتي الحلوة ف طيارة اوا تكمش حياتي هادي ندير لي بغيت
-واخا نتمنى غير تكون عارف اش كدير ...مشيت دخلت لبيت تكيت بديت كنشوف فسقف وأنا نبدا نتفكر لارا معرفتش علاش وليت كنفكر فيها بزاااف حيت وليت كنحس بدنب واقيلة سرقت الواليد ديالها لفلوس تف تف على زهر خاصني نساها دابا جبدت تيلي وأنا نعيط لاورا .ألو لاورا صافا معاك مارك
-اه مارك زي صافا ونتا
-أوسي ممكن نشوفك مع ديك 9 بغيت ريح غير أنا وياك
-منقدرش نخرج بوحدي راك عارف مي قول ليا فين بغيتي نتلاقاو ونقولها الصحباتي يجيبوني لعندك
-انا راه ياله اليوم وصلت الهاد المدينة فاش نتلاقاو نعاود ليك لمهم فاش تخرجي صوني ليا وقولي ليا اشمن بلاصة نتي نجي لعندك
-اوك انا غادي نعلم صحباتي دابا باي مارك
قلت ليها باي وقطعت بقيت بلاصتي وهو ينزل عليا ضيم بديت تنقول مع راسي أش كندير انا علاش كنتقرب من هاد البنت وهيا مسكينة عورة غادي غير نجرحها حيت حياتي مقودة وعمرها غادي تكون معايا سعيدة لا لا خاصني نقلب عليها اه وعلاش منكونش واحد انسان مزيان واخا غير مرة فحياتي نبقا معاها ونعاونها حتا تشوف شي علاج لي تقدر ترجع بيه البصر ديالها ديك ساعة غادي نكون درت شي حاجة مزيانة فحياتي ...بقيت فدار حتا العشية وهو يجي عندي فرانك قال ليا ياله نخرجو نزهاو
-كنتسنا واحد مكالمة من عندك واحد البنت داير معاها
-هاي هاي دغيا ضبرتي على بنت خفنا زربنا داكشي لمهم انا غادي نخرج نخور هاد المدينة نشوف داكشي كيف داير
-رد بالك عندك دير شي تصرف ماشي هو هاداك باقي كاع مسخنا بلاصتنا هنا
-تخافش عليا اساط باي
مشا فرانك بقيت شويا وهو يصوني تيلي أححح لاورا جاوبت قالت ليا العنوان فين كاينة هيا وأنا نخرج شديت طاكسي قلت ليه العنوان وصلني ليه هبط كتبان ليا باقة مع صحباتها مشيت عندهم سلمت عليهم وهوما يقولو ليا رد ليها البال
-من نيتكم راه غادي نديرها بين عينيا دابا انا هو عينيها
-ههه واخا لمهم راه من بعد هيا غادي تصوني لينا نجيو نديوها
-واخا شكرا ....صافي مشاو هوما بقيت غير أنا و لاورا شديت ليها فيديها وأنا نقول ليها شنو هو سبب لي خلاك دغيا ثيقي فيا بحال هاكة ونتي معارفاش شكلي كيف داير ومعارفة عليا والو
-أول حاجة مكيهمش شكل ديالك والتاني حاجة حسيت بيك قلبك بيض وكتعرف تهضر
-من نيتك كنعرف نهضر
-ههه اه مالك قولي فين غادي نمشيو دابا
-معرفتش ههه قلت أول نهار ليا فهاد المدينة
-مرحبا بيك نبقاو غادين وكنهضرو صافي
-واخا مي ضروري ندخلو لشي مطعم من بعد حيت فيا جوع
-جيعان ههه باركة عليك غير أنا فخبارك انا فرحانة بزاااف
-وشنو سبب
-هو نتا عمر شي واحد هتم بيا وشد ليا فيدي وخرجني معاه من قبل لي عرفتي مكنشوفش كيقلب عليا
-متقوليش هاكة هادوك معرفوش قيمتك واصلا كانو باغين غير حاجتهم نتي واحد البنت لي زوينة بزاااف وضريفة وقلبك بيض بحال الحليب
-زعمة غادي تبقا ديما شاد ليا فيدي عمرك تخلى عليا
ناري سيدة مسكينة عمر عاملها زوين شي واحد من قبل شفتها لاصقات فيا من نهال لول ولكن انا بغيت رجع نشوف ديك لارا ونطلب منها سماحة وبغيت تكون بيني وبين ديك لارا سي علاقة ولكن دابا لقيت هاد لاورا خاصني نسا ديك لارا اصلا تقدر تكون هيا كتكرهني دابا ...طلقت من يد لاورا وأنا نشد ليها وجها وقلت ليها انا كنشوف ليك في عينك دابا عمري غادي نتخلى عليك وغادي نشوف ليك احسن طبيب يقدر يلقا ليك شي علاج وترجعي تشوفي واخا باقي معرفتش سبب كيفاش حتا وليتي بحال هاكة
-ياله نكلسو فشي بلاصة ونعاود ليك
-واخا أجي ندخلو لواحد المطعم هنا كيبان زوين رومانسي ههه .....دخلنا الداك المطعم كلسنا شدينا داكشي لي غادي نشدو قلت ليها ناكلو وعاودي ليا القصة ديالك صافي
-اوك لي بغيتي
لمهم انا لي بديت كنوكل فيها دغمة دغمة ليها حسيت بيها فرحانة بزاااف وحتا انا والله كيفاش كنت كيفاش وليت ضريف وكنتعامل لمهم قصينا وضحكنا وأنا نقول ليها ياله دابا تقدري تعاودي ليا وهيا تقولي بغيت نكون غير أنا وياك ميكونش بنادم حدانا باش نهضر على خاطري -واخا فين بغيتي نديك
-نمشيو البحر تما كرتاح فاش كنسمع صوت ديال المواج -حتا انا عزيز عليا البحر بزااف واقيلة غادي يكون بعيد على هنا شويا غادي نشدو طاكسي
-سمح ليا كترت عليك
-من نيتك أش هاد الهضرة دابا انا مرتاح معاك ياله شدي ليا فيديا ههه خرجنا من داك المطعم شدينا طاكسي قلت ليه قربني لشي بحر يكون زوين حيت اول مرة غادي نجي امستر دام ..قال ليا مرحبا وفعلا وصلنا لواحد البحر يا سلام هبطنا لتحت بقينا كنتمشاو وبديت كنعاود ليها على حياتي كاملة من لول حتى لآخر قلت ليها كلشي مخبيت عليها والو وقلت ليها علاش أنا كاين هنا دابا زيرت ليا على يديا وقالت ليا انا حسيت بيك مي مكانش عليك تمشي فهاد فطريق لمهم نتا انسان مزيان وقلتي ليا صراحة حتا انا تخالو عليا واليدية بحالك غير كاين فرق واليدية تحت ﻷرض ونتا واليديك معارفش فين كاينين أجي نكلسو فشي بلاصة نعاود ليك أش وقع
-واخا ياله نزيدو شويا ليهه ونكلسو .....كلسنا فواحد لكون وأنا نقول ليها كنسمعك
-لمهم انا بنت عائلة متوسطة على قد الحال كان فيا مرض سكر منين كنت صغيرة كنت كنستعمل دوا وفاش وصلت 10 سنين فقدت البصر ديالي كان كلشي على غفلة نعست عادي فقت كتبان ليا دنيا كحلة بديت كنغوت ماما بابا جاو عندي قالو ليا مالك قلت ليهم مبقيت كنشوف والو هزوني ديك ساع المستشفى وقالو ليا ضروري خاصني ندير عملية باش نقدر رجع البصر ديالي وطلبو منا بزاااف ديال لفلوس وكيف قلت ليك حنا كنا على قد الحال ومكانش عند الواليد داك القدر ديال لفلوس كامل أش دار بابا مشا عند شي ناس خطيرين سلف عندهم لفلوس ودارو ليا عملية ومنجحتكش ليا الوليد والواليدة قربو يحماقو وأنا وليت كنشوف حياتي مضلمة دازت شي يامات كيجي عندي صاحب بابا خرجتي من صبيطار حيت بقيت فيه واحد المدة وداني معاه الدارو وقلت ليه فين هو بابا وماما قال ليا بلي سافرو يشوفو شي طبيب لي يقدر يعانونك قلت ليه وعلاش مقالو ليا انت والو قاليا صافي انا قلتها ليك دابا ....دازت شي يامات خرة ومسمعت حتا خبار على بابا وماما عرفت شي حاجة واقعة بقيت كنبكي وكنغوت وكنقول المرات صاحب الواليد أش وقع ماما وبابا فين هوما شويا كنسمع صوت تاع صاحب بابا دخل الدار وهو يقول ليا بنتي كوني قوية انا غادي نعاود ليك الحقيقة باباك وماماك ماتو وسبب هو مقدرش باباك يرجع لفلوس لدوك ناس وقتلوهم هادشي لي وقع ابنتي ..فاش قال ليا هادشي حسيت براسي مخنوقة بزاااف ودنيا دارت بيا وبديت كنضرب فراسي واخا كنت باقة صغيرة حيت انا سباب فهادشي حياتي ولات ضلمة من داك نهار كلي حزن وبكة وبقاو مربيني دوك ناس حتا الدابا توحشت ماما وبابا وبزاااف كنتمى يسمحو ليا حيت بسبابي مي انا فرحنا اليوم بزاااف حيت تعرفت على واحد بحالك دغيا قدرتي تخرجني من داك ضلام لي كنت أنا عايشة فيه عمرك تسمح فيا ..
ناري دموع دموع اول مرة غادي نبكي ف حياتي كاملة بصح البنت تعدابت بزاااف فصغرها وحتا هيا كتعاود ليا ودموع كينزلو ليها عنقتها ديك ساع بين دراعي وقلت ليها .....(يتبع ...)