#زهــــــــــــري_لمــــعـ
#الجزء 11
بقيت كندور في عينيا تما حتى كنشوف واحد خونا كيغوت شكون يتسابق معاه وقال واحد عدد ديال لفلوس لي حتى واحد تما مقدر يتسابق معاه ؛وأنا نمشي نيشان عند خونا لي مسير سباق كيشد لفلوس مديت ليه داك العداد ديال لفلوس لي قال خونا بقا مصدوم مع أول مرة يشوف كمارتي وهو يقول لخونا هاهوا متسابق جديد معانا غادي يشارك كلشي بقا كيشوف فيا باينة خونا لي غادي نتسابق معاه مقود شاف فيا وضحك واحد ضحكة بحالة حكرني ولد ناس متسوقتش ليه معارفش كغو معامن ...وقفنا مقادين واحد تيتيزة قدامنا مع عطاتنا إشارة كنهز رويضة القدام وكنعفط لحت خونا بقيت غادي مورك وهو يقرب مني ولد الطحبة عندو موطور صداع شويا كنتمو غادين قد قد مشيت معاه ف الخط شويا كيفوتني بقات دورة تفكرت لاورا وتفكرت عشيري فرانك محسيتش براسي حتى لصقت داكشي كامل لي ف سي بي ار وصلت على خونا وأنا ندهشرو بحالة بغيت ندخل فيه من جنب سيد تخلع نقص من سرعة وأنا باقي عافط ..دخلت قبل منو كلشي بقا مصدوم فيا وكيصفق تيتيز وهو يجي عندي واحد خونا قال ليا أش بان ليك فشي سباق بين سي بي ار ديالك وطومبيل ديالك إلى ربحتي تاخد طومبيل إلى ربحت ناخد موطور ديالك
-من نيتو هاد الهلاوي بقيت تنشوف فيه وأنا نقول ليه فين هيا طومبيل ...وهو ينعت ليا واحد طومبيل وهيا ناري ديال سباق وداكشي مقودة بزاااف ناري إلى مشيت حتى ربحتو واااع مي إلى خسرت وسي بي ار ماشي ديالي غادي نفرق ديال بصح ..لا لا حياة لاورا هيا لولا غادي نشارك وعلى قبلها قلت ليها ياله درت لكاسك هاد المرة هبط زجاج نفس ديكور إشارة مكاين غير عفط ف لول لحتو من بعد ولد طيط لحق عليا بقينا غادي عافطين حتى دورة لاخرة مع هو عندو طومبيل وانا موطور كنضرب دورة قبل وكنهز رويضة القدام وكنعفط خليتو فتوش دخلت انا لول ناري على فرحة حيدت لكاسك كلشي جا دار بيا هزوني هههه حسيت براسي شي حاجة جا خونا عطاني لفلوس وأنا ندور معاه وخونا عطاني سوارت ديال طومبيل وقال ليا بصحتك وحدا نمرة ديالي على حساب باش يكتبها ف سميتي تفووو كون غير كان معايا فرانك فهاد الحضة ..ناري فرانك خاصني نمشي عندو مي كيفاش غادي ندير طومبيل و الموطور موصيبة هادي ..ديك الحضة جا عندي واحد خونا قال ليا مبروك عليك انا لي مولاه وعمري ربحت بيه فشي سباق نتا معلم
-علاش كتهضر
-نتا عشير مارك
-وي هو هادا
-راه خدا معندي الموطور وقال ليا غادي يعطيه لشي عشيرو يتسابق بيه صدفة غريبة هادي
-شكرا خويا وجابك الله هاك ها سوارت ديال طومبيل بغيت نمشي بزربة عند فرانك لمهم حتى الغدة يصوني ليك فرانك باش نجيب ليك موطور ديالك وناخد طومبيل
-واخا صافي باي
طلعت فوق موطوري وأنا نجبد نيشان الشاريع فين كاين سباق لي غادي يكون فيه فرانك كنت فرحان بزاااف حيت ربحت بزاااف ديال لفلوس وزيد عليها طومبيل مقودة دبصح أححح تميت غادي مورك ودنيا خاويا مع تكون ديك ساعة 3 تاع ليل بحال هكاك وصلت البلاصة فين كيكون سباق كيبانو ليا بوليس و لابينانس وجوج ماطر طايحين ﻷرض مفرشخين قلبي بقا كيضرب تخلعت هبط دغيا من موطور كنجري عندهم كيبانو ليا طلعو واحد شي حد في لابينانس وآخر في ﻷرض دارين ليه باش ياعني مات بقيت كندور عيني فين هو فرانك والو بقيت كنحقق ف الموطور ناري هو ديك ساع دفعت لبوليس وبديت كنغوت عشيري فرانك فتحت داك لباش تاع الموتة ماشي فرانك الحمد لله ياله بغيت نمشي لابينانس وهيا تكسيري قلت لواحد بوليسي اشمن مستشفى مشات هاد لابينانس راه فيها خويا وهو يقول ليا العنوان مشيت دغيا طلعت فوق موطور نيشان لداك صبيطار وصلت قد قد مع لابينانس شفتهم كيهبطو فيه مشيت كنجري عندهم هوما دافعينو وانا كنغوت كنقول ليه صبر غادي تولي بخير كيبان ليا فاقد لوعي وكلو دم دخلوه الغرفة العمليات كيبان ليا جا طبيب وأنا نوقف عليه قلت ليه شي دكتور هادا لي كاين هنا بين الحياة والموت إلى مات غادي نموت حتى انا معاه داكشي علاش دير لي فجهدك باش تنقد حياة ديال جوج ناس بليز
-واخا أولدي غادي ندير جهدي كامل بقا هنا
دخل الداخل وأنا بديت كنضرب راسي مع الخيط وكنغوت انا سباب فهادشي كامل انا سباب كان مشارك على قبلي وكنت حاس بشي حاجة خايبة غادي توقع ملي عرفت داك موطور فيه داك لعجب ياربي تشافيه ويرجع كيف كان إلى مات عشيري لمن غادي نبقا انا راه غير هو لي عندي فهاد دنيا كبرنا بجوج وتشاركنا الحلوة والمرى بجوج إلى مشا وخلاني مغادي نعرف أش ندير بغيت نقد حياة ديال لاورا دابا خاصني نقد حياة ديال عشيري وحبيبتي بقيت تما ف المستشفى حتى خرج طبيب وهو يقول ليا تبعني المكتب ..على أقل فرحت شويا حيت كون كان مات غادي يقولها ليا ديك ساعة مي كاين أمل ..وصلنا المكتب وهو يقول ليا كلس ..كلست
-صاحبك حالتو صعيبة بزاااف عمر باقي غادي يقدر يمشي على رجليه ياعني تشلل ودابا راه في غيبوبة معرفتش شحال يقدر يبقا فيها حيت كانت واحد دقة فراسو و ﻵسف قاصت ليه لمخ ديالو لمهم غادي يبقا عايش مي موحال واش يعاود يوقف على رجلو كيف كان من قبل اه وممكن فاش يفيق من الغيبوبة. .... (يتبع. .)