#الجزء أول
زهري ماشي غير معوج زهري راه مكوز زهري مقود بالعربية تعرابت حتا حاجة مكتصدق ليا من غير الحرام حياتي عبارة عن عن بلا منديماري دابا حيت معنديش بيرمي ،انا عايش ومعارفش علاش عايش حيت معندي حتا هدف في حياتي بغيتي تفهمني مزيان خاص تبع لقصة وتعرف كيفاش عشت حياتي كاملة من نهار حليت عيني فدنيا. ...
شحال مقودة تكبر بلا أب بلا أم وزيد عليها حياتك كاملة في الميتم ياعني (الخيرية) ومعارفش شكون باك ولا شكون مك وفاش كتزيد تكبر شويا كتعرف بلي اصلك مغريبي ونتا عايش في دولة خرة مي بنسبة ليا هادشي جاني عادي حيت من نهار حليت عيني لقيت راسي بين بزااف تاع ولاد وبنات وكانت واحد مربية خدامة تما مغربية سميتها خديجة هيا لي علمتني دارجة ونعرف نهضر بالمغريبة حيت قالت ليا انا أصلي مغريبي وملي بديت كنكبر ونزيد نفهم سولتها كيفاش حتا جيت أنا هنا وشكون با وشكون مي وكيفاش حتا عرفتي نتي انا أصلي مغريبي بقات كتشوف فيا شحال ودموع كينزلو ليها قالت ليا بلي شي راجل لباس عليه جابك هنا وعطاني انا بزااف ديال لفلوس باش نبقا ديما رادة ليك لبال ومعرفتش شنو سميتو وعمر باقي عاود رجع من نهار فاش جابك هنا يقدر يكون داك راجل هو باباك ...هادشي لي قالت ليا ياعني الواليد ديالي سمح فيا ولاحني فالخيرة ولباس عليه معرفتش علاش دار هادشي ولكن شكون مي وكيفاش غادي لقا هاد راجل انا ونقولو كاع لقيتو أش غادي نقول ليه نسولو على الواليدة مثلا شحال من سوأل بدا كيدور ليا فراسي فاش سمعت ديك الهضرة ...فاااك نسيت معرفتكم عليا سميتي مارك 20 اونز عايش في بلجيكا خوكم بوقوص وداكشي غير زهر الله اجيب حتا من دراسة خرجت منها حيت كنت داصر بزااف وباقي داصر عندي واحد عشيري كبرت انا وياه فالخيرية سلامة سميتو فرانك حلينا عايشين بجوج تحت سقف واحد حيت فاش كملنا 19 لعام فالخيرية قالو لينا ديك لعبة تاع جمعو شطايطكم لا تباتوش هنا وخرجنا الزنقة مقودة علينا دبصح ولينا كنكريسيو عباد الله باش نعيشو حيت معدنا حتا حرفة وشفرنا جوج مواطر مقودين من نوع سي بي ار بدلنا ليهم نمرة وداكشي هوما باش عايشين فهاد المدينة بروكسل العاصمة ديال بلجيكا اه كاع مقلت ليكم منين تعلمت نهضر بحال هاكة زعمة هاد تواشة ههه ديالكم من لفيس دخلت ناس ديال مغريب وتعلمت من عندهم شي نويطات ههه عالم صراحة بغيت نشوف بلادي كيف دايرة واخا كيبان ليا كلشي حاقد عليها فالفيس ..مي انا راه عندي جنسية ديال هنا معليناش حياتي بختيصار نعاس القص شراب القمر والعهارات بطبيعة الحال انا و فرانك حياتنا مقودة مي كرتاحو فيها وخالقين سعادة بجوج بينا ..حتا لواحد نهار كنت خارج بالموطور ديالي غير بوحدي وكنت داير لكاسك كنضرب على واحد تيتزة مقودة ياله بغات طلع فواحد طومبيل كنعفط كنطير ليها بصاك خليت غير البرد من ورايا هه همزة هادي جابها الله باش نخلصو الكرى حيت كانت مقودة علينا وصلت الدار دخلت الموطور كلقا فرانك ناعس درت ليه واحد لعبة القوادة ههه جبدت بريكة شعلت ليه لعافية فكدمو مزيان وأنا نخرج من لبيت شويا كنسمعو غوت ربي لي خلقو دخلت عليه درت راسي معارف والو قلت ليه مالك
-معرفتش حسيت بالعافية فرجلي
-ههه من نيتك شوف صاك باقي بميكتو علم الله شنو فيه ....فتحتو ديك ساع لقيت شويا ديال لفلوس وعكر ومريا صغيرة فرانك هز تيلي وهو يقول ليا و تيتزة هادي ديك ساع خطفت ليه تيلي واااع مكاين لا كود لا والو دخلت نيشان التصاور أحححح داكشي زين بنت لعبد عجبها رأسها وأنا ندخل فيدوات كلقاهم كاملين دياولها كتغني فيهم عندها واحد صوت كيزعز حرك ليا المشاعر ديالي شويا كيصوني تيلي كلقا نمرة مسجلة بسميت بنت أححح ديك ساع جاوبت مي كانت مولات تيلي قالت ليا عفااك رجع ليا غير تيلي ونعطيك شحال ما بغيتي ديال لفلوس وهيا تبدا تبكي ومع خوكم قلبو حنين وداكشي قلت ليها واش تنعسي معايا ورجع ليك تيلي وهيا تقطع ههه تناكت معنديش مع رومانسية وهو يقول ليا فرانك عطيني تيلي نمشي نبيعو راه عشية كاين سباق باش نقمرو على بزاف ديال لفلوس وربحو كثر ...قلت ليه لا مغاديش نبيعو هاد تيلي بارك إلى لعبنا غير على هاد لفلوس وربحنا الله اجعل باركة شكون بعدة لي غادي يتسابق نتا ولا انا
-من أحسن نتا
-صافي مشات معاش بعدة
-12 ديال ليل كيف ديما
-صافي على مولانا انا غادي نمشي نعس دير وفيقني. ..هيا هاديك مشيت جبدت عليها بنعسة ودرت لكيت بديت مزك لديك خيتي لي سرقت ليها تيلي عجبني صوتها بزااف .... حتا جا فيقني فرانك غسلت وجهي لبست دجاكيطة ديالي خشينا فوجهنا وخرجنا مشينا الشاريع فين كنتسابقو مع وصلت هاهو مارك جا هاي مارك خوكم مشهور تما ديما جايب لعز وال^^حاب تما كيحماقو عليا كل ليلة مدوزها مع وحدة تيتيز غير مشقلب. .صافي بدا سباق فرانك حط لفلوس كاملة لي عدنا ضروري خاصني ربح وإلى غادي تحزااق عليا ...منوع دير لكاسك ف سباق كلشي لي هنا صواااق دبصح ..كتكون واحد زعرة هيا لي كتعطي إشارة باش نبداو لمهم مع هزت ديك رايا مكاين غير عفط انا واحد خونا لقدام دار فيا واحد شوفات عرفت بلي كيبلاني لشي حاجة ياله قرب عندي بغا يدفعني برجليه وأنا نخوي ليه معامن هو ضرب فالخوى طاح متسوقتش بقيت عافط دخلت انا لول بنادم مشا تجمع على داك خونا قلت لفرانك شد لفلوس ياله نغيروها داكشي لي كان شدينا لعاقة كيف كتقولو بالمغريبة وطلع معايا حيت كنا غادين غير بموطور واحد ديالي لا ماشي ديالي ديال الله لمهم كنا فرحانين حيت ربحنا بزااف ديال لفلوس قلت لفرانك غادي نمشيو نحتافلو بهاد مناسبة قال ليا صافي دزت لواحد البلاصة مقودة فيها ديدجي وتيتيز كلشي سكران عالم آخر تما وصلنا مع دخلنا كندور نشوف فرانك كلقاه طار من حدايا فاااك كيبان ليا كيشطح مع واحد خيتي بالعربية بغا يدير ليها صبونة انا فهمتو بقيت كندور عيني وهيا تبان ليا ...(يتبع ..)