خرجت كنضبر على راسي حتى كنتلاقا مع واحد راجل مضروب بسلاح ف كتفو بليل عاونتو قلت ليه نديك الصبيطار قال ليا عاوني غير باش نوصل الداري ..شدينا طاكسي قال ليه هو العنوان وصلنا لواحد فيلا كبيرة قلت ليه واش كتسكن هنا قال ليا أه زيد معايا ..مع تفتح لباب ديال ديك فيلا كلقا بزاااف ديال رجال هازين سلاح مع شافوه كلشي جا عندو كيقول ليه سيدي مالك عرفت بلي هو مول شي تما..لمهم جابو طبيب حيد ليه رصاصة وبدا كيسول فيا منين انا واش خدام عاوت ليه القصة ديالي وعرض عليا نخدم معاه وبطبيعة الحال وافقت دغيا بلا منغكر حيت مكان عندي فين نمشي ولا فاش نخدم ومكنعرف حتى واحد ...دخلت معاهم ف العصابة وليت انا اليد ليمن ديال هاداك لي عاونتو دازت شي 20 يوم كنصوني على صاحبي لي فالمغرب قال ليا مزيان ملي صونيتي راه جات عندي مراتك وراه حاملة منك ...قلت ليه انا موحال واش غادي نكون انا هو باباه وهو يقول ليا راه خاصك ضروري دجي تأكد واش ولدك باش متندمش من بعد ...بقات كدور ليا هاد الهضرة فراسي من بعد عاوت صونيت نيت على صاحبي وقلت بقا مراقبها فاش تولد علمني قال ليا صافي وداكشي لي كان فاش ولدات طلبت الباطرون باش نسافر المغرب وقبل و رجعت المغرب ومشيت عندها عرفتي شنو هيا اول كلمة قالتها ليا ...قالت ليا مزيان فاش جيتي باش دي معاك ولدك راه كنت بغيت نطيحو غير كان فات الفوت ...وفعلا خديتك من عندها وطلقتها ودرت DIN ولقيتك ولدي من لحمي و دمي وخديتك معايا لبلجيكا ولكن فاش دخلتك لفيلا مبغاش الباطرون ومكاين لي يتكلف بيك تما قال ليا ديه الخيرية تما غادي يتهلاو فيه ..وحتى انا فكرت مزيان ولقيت هادا هو أحسن حل نديك الخيرة حسن متكبر وسط عصابة و إجرام وداكشي لي كان فاش ديتك الخيرية دموع هبطو ليا وفرحت فاش لقيت واحد المغريبة خدامة تما عطيتها شي باركة ديال لفلوس وقلت ليها تهلا فيك وتعلمك تهضر بالدارجة دازت اليام وجاتني خبار بلي ماماك مات الله ارحمها ويغفر ليها وأنا كنت تزوجت وكان عندي ولد لي مات فداك سباق بالموطور راك عارف وحتى مو ماتت شحال هادي
هادي هيا القصة ديالي أولدي وديالك فاش كنتي صغير وكنطلب منك سماحة بزاااف وراه كنت ديما كراقبك أش كدير منين كنتي صغير حتى كبرتي مي عمر كانت عندي شجاعة نجي نواجهك ونهضر معاك فاص حتى النهار فاش جابوك رجال نتا وصاحبك مكنتش عارف ديك ساعة حتى شفتك وتصدمت .
-بقيت تنشوف فيه شحال وأنا نقول ليه نتا لي صدمتيني دابا كيفاش دابا نتا هو الواليد لي خليتيني نكبر ف الخيرية ومن بعد هاد المدة كاملة عاد تفكرتي عندك ولد وجاي كطلب مني سماحة بلا حشمة ومختارع ليا ديك القصة شوف فيا مزيان كون شنو بغيتي تكون مكيهمنيش انا ياله خرج عليا بحالك من هنا ودي معاك دوك الكلاب ديالك وكنصحك متبقاش تراقبني حيت مكطربتني بيك حتى شي علاقة إلى كنتي نتا بصح هو بابا انا قتلتو شحال هادي معنديش
-انا عارفك مصدوم من هادشي لي سمعتي راه ندمت بزاااف حيت خليتك تكبر فالخيرية وبعيد عليا راه والله مكان عندي شي حل أولدي انا غادي نمشي دابا نخليك تفكر على خاطرك انا مستعد نعوض ليك كاع دوك أعوام لي فاتو بسلامة عليك
-مبغيت عندك والو من غير تعطيني تيساع. ..حنا راسو وخرج مع الباب ودموع بداو كينزلو ليا بدون شعور علاش كلشي كيجي فدقة علاش .. جات لاورا مافهما والو عنقاتني وقالت ليا مارك شكون هادا وشنو بغا عندك وعلاش كتهضرو بديك للغة مفهمت والو شرح ليا ..كلست ﻷرض وبديت تنعاود ليها داكشي كامل لي قال ليا بقات ساكتة وهيا تقول ليا إلى كان قال صراحة خاصك تسامحو شكون بحالك رجع ليك باباك مكرهتش يرجع ليا حتى انا ولكن عمرو غادي يرجع حيت مات أما نتا هاهو باباك باقي عايش
-بغيتي باباك نتي يكون مجرم راجل عصابات
-بينسوغ لا مي علاش كنقول هاكة
-اوا هاد سيد لي كان هنا لي كيقول هو بابا راه رجل عصابات
-ولكن كيبقا باباك سامحو
-صافي غادي نسدو هاد الموضوع مكيهمنيش اصلا عندي عادي حيت كبرت بلا أب بلا أم وغادي نكمل حياتي هاكة معاك نتي كنبغيك
-حتى انا كنبغيك ولكن بقا فيا باباك بزاااف باينة غادي يكون ندم بزاااف بليز سامحو
- لاورا صافي تبقايش تجبدي ليا هاد الموضوع ياله نخرجو نبدلو الجو ....داكشي لي درنا خرجنا على اوطيل بغيت نجبد سورات ديال طومبيل من جيب مكلقاهومش قلت لاورا واقيلة نسيتهم ف الغرفة تسنايني هنا نمشي نجيبهم دغيا وانا معاك ...طلعت الغرفة ديالي دخلت فعلا لقيتهم فوق طابلة معرفتش كيفاش حطيتهم تما ونسيتهم صراحة باقي مصدوم من هادشي كامل لي وقع ليا مشيت رشيت وجهي بالماء وهبط مكلقاش لاورا فاااك فين مشات هادي جبدت تيلي كنصوني ليها تيلي طافي تخلعت قلبي ولا كيضرب 100 مفهمت والو كيفاش طلعت نجيب غير سوارت ورجعت ختفات تقول بلعتها ﻷرض بديت كنسول بنادم تما كنقول ليه بنت بيضة زوينة ولابسة كدا وكدا كيقولو ليا مشفناهاش شويا كيبان ليا واحد شيباني كالس فكرسي وكيكمي مشيت عندو.... (يتبع. .)
هادي هيا القصة ديالي أولدي وديالك فاش كنتي صغير وكنطلب منك سماحة بزاااف وراه كنت ديما كراقبك أش كدير منين كنتي صغير حتى كبرتي مي عمر كانت عندي شجاعة نجي نواجهك ونهضر معاك فاص حتى النهار فاش جابوك رجال نتا وصاحبك مكنتش عارف ديك ساعة حتى شفتك وتصدمت .
-بقيت تنشوف فيه شحال وأنا نقول ليه نتا لي صدمتيني دابا كيفاش دابا نتا هو الواليد لي خليتيني نكبر ف الخيرية ومن بعد هاد المدة كاملة عاد تفكرتي عندك ولد وجاي كطلب مني سماحة بلا حشمة ومختارع ليا ديك القصة شوف فيا مزيان كون شنو بغيتي تكون مكيهمنيش انا ياله خرج عليا بحالك من هنا ودي معاك دوك الكلاب ديالك وكنصحك متبقاش تراقبني حيت مكطربتني بيك حتى شي علاقة إلى كنتي نتا بصح هو بابا انا قتلتو شحال هادي معنديش
-انا عارفك مصدوم من هادشي لي سمعتي راه ندمت بزاااف حيت خليتك تكبر فالخيرية وبعيد عليا راه والله مكان عندي شي حل أولدي انا غادي نمشي دابا نخليك تفكر على خاطرك انا مستعد نعوض ليك كاع دوك أعوام لي فاتو بسلامة عليك
-مبغيت عندك والو من غير تعطيني تيساع. ..حنا راسو وخرج مع الباب ودموع بداو كينزلو ليا بدون شعور علاش كلشي كيجي فدقة علاش .. جات لاورا مافهما والو عنقاتني وقالت ليا مارك شكون هادا وشنو بغا عندك وعلاش كتهضرو بديك للغة مفهمت والو شرح ليا ..كلست ﻷرض وبديت تنعاود ليها داكشي كامل لي قال ليا بقات ساكتة وهيا تقول ليا إلى كان قال صراحة خاصك تسامحو شكون بحالك رجع ليك باباك مكرهتش يرجع ليا حتى انا ولكن عمرو غادي يرجع حيت مات أما نتا هاهو باباك باقي عايش
-بغيتي باباك نتي يكون مجرم راجل عصابات
-بينسوغ لا مي علاش كنقول هاكة
-اوا هاد سيد لي كان هنا لي كيقول هو بابا راه رجل عصابات
-ولكن كيبقا باباك سامحو
-صافي غادي نسدو هاد الموضوع مكيهمنيش اصلا عندي عادي حيت كبرت بلا أب بلا أم وغادي نكمل حياتي هاكة معاك نتي كنبغيك
-حتى انا كنبغيك ولكن بقا فيا باباك بزاااف باينة غادي يكون ندم بزاااف بليز سامحو
- لاورا صافي تبقايش تجبدي ليا هاد الموضوع ياله نخرجو نبدلو الجو ....داكشي لي درنا خرجنا على اوطيل بغيت نجبد سورات ديال طومبيل من جيب مكلقاهومش قلت لاورا واقيلة نسيتهم ف الغرفة تسنايني هنا نمشي نجيبهم دغيا وانا معاك ...طلعت الغرفة ديالي دخلت فعلا لقيتهم فوق طابلة معرفتش كيفاش حطيتهم تما ونسيتهم صراحة باقي مصدوم من هادشي كامل لي وقع ليا مشيت رشيت وجهي بالماء وهبط مكلقاش لاورا فاااك فين مشات هادي جبدت تيلي كنصوني ليها تيلي طافي تخلعت قلبي ولا كيضرب 100 مفهمت والو كيفاش طلعت نجيب غير سوارت ورجعت ختفات تقول بلعتها ﻷرض بديت كنسول بنادم تما كنقول ليه بنت بيضة زوينة ولابسة كدا وكدا كيقولو ليا مشفناهاش شويا كيبان ليا واحد شيباني كالس فكرسي وكيكمي مشيت عندو.... (يتبع. .)
