#
#الجزء 14
جاوبت ألو كنسمع صوت راجل قال ليا خرج برة ديال المستشفى غادي تلقى طومبيل كحلة طلع فيها وهو يقطع ديك ساع قلت لينا انا غادي نمشي عندي شي حاجة ضرورية ...خرجت دغيا فعلا كتبان ليا طومبيل كحلة واقفة مشيت عندو باقي مطلعتش كلقا واحد لي كاين ف طومبيل قلت ليه شكون نتا ومنين جاتك نمرة ديالي وشنو بغيتي
-ماشي مهم هادشي دابا إلى بغيتي تعرف خاصك طلع معايا وبلا متسول شي سوأل وفاش نوصلو غادي تعرف علاش أنا جيت عندك
-واش من نيتك شكون لي مصيفطك
-من أحسن طلع معايا دابا وتسكت إلى مبغيتيش نتا تعرف تحمل المسؤولية الداكشي لي غادي يوقع ليك
-سير قول الهاد خونا لي مصيفطك يجي هو بنفسو نشوف اش بغا ياله دور روايد. ...قلت ليه هاد الهضرة وأنا نمشي نطلع ف طومبلتي وبديت تنفكر شكون غادي يكون هاد خونا واش بغاني زعمة يكون هو لي كان خلص المستشفى على حساب لاورا مي دابا داز شهر لعجب جبدت تيلي صونيت على لاورا
-ألو حياتي فين كاينة بغيت نشوفك
-انا غير ف دار
-اوك شويا نكون عندك ....ديماريت طومبيل مشيت عندها هزيتها معايا وهيا تقول ليا فين غادي نمشيو
-نمشيو أوطيل نطيبو شي حاجة ونكلسو بجوج نهضرو توحشتك بزاااف
-حتى انا كثر منك
-ههه ياك اه حياتي فرانك راه فتح عينيه غير يولي بيخير شويا ومكاين غير تسركيل انا وياك تشوفي الحياة واش باقى عاقلة فاش قلت ليك غادي نعوض ليك داكشي لي فات من حياتك
-اه باقة عاقلة كنبغيك بزاااف
-انا كنكرهك بزاااف ههه ...وصلنا أوطيل طلعنا ياله فتحت لباب دخلنا وكانت صدمة مقودة كلقا داك شيباني لي كان فرانك سباب ف موت ولدو تخلعت ديك ساعة وحتى لاورا كتقول ليا شكون هادو مع كانو بزااف وأنا بقيت كنحلل ناري ياك ما هادو لي كانو ف سباب داكشي لي وقع نيت فرانك ودابا ملي عرفوه فتح عينيه ورجع الحياة جاو عندي تلفت وأنا نقول الداك شيباني أش كاين شنو بغيتي
-معندك مناش تخاف أولدي
-أولا مكنخاف من حتى مخلوق التانيا مولد حد فهمتي ..فاش قلت هادشي كلشي هز عليا سلاح ولاورا غوتات شيباني عطا غير إشارة بيديه وهوما ينزلو سلاحهم وقال ليا شوف أولدي انا مبغيت والو من عندك كنت مراقبك من شحال هادي وشفتك مخدام ما والو داكشي علاش جيت عندك بغيتك تخدم معايا وتكون نتا هو دراع ليمن ديالي
-كيفاش وعلاش نتا زعمة بغيتي دير فيا هاد الخير غير هكاك مفهمتش أجي أجي واش نتا لي كنتي خلصتي المستشفى فاش كانت بغات دير لاورا العملية
-أشمن عملية
-بلا متحاول تكدب عليا راه باينة واش نتا علاش درتي فيا هاد الخير وعشيري كان سباب ف الموت ديال ولدك وعلاش مصيفط ليا واحد من رجال ديالك كيراقبني ممكن تشرح ليا هادشي كامل
-فاش تجيبها الوقت غادي تعرف كلشي
-لا بغيت نعرف دابا أش كاين وشكون نتا واش بغيتي عندي بضبط شرح ليا كلشي راه راسي ضراني من داك نهار فاش خطفونا رجال ديالك وفاش شفتيني نتا قلت ليهم يطلقونا خاصك تشرح ليا أو دابا نيت
-واخا أولدي انا غادي نعاود ليك الحقيقة كاملة
-انا كنسمعك ...قال الرجال ديالو كاملين يخرجو وهو يقول ليا بغيت نبقا غير أنا وياك خنزرت فيه وقلت ليه لاورا راها مراتي مكنخبي عليها والو تقدر تهضر
-واخا لي بغيتي
فاش قال ليا واخا لي بغيتي ركابيا فشلو عليا حيت قالها بالمغريبة وأنا نقول ليه واش نتا مغريبي لا مستحيل تكون نتا هو باقي مكملتهاش وهو يقول خليني نعاود ليك كلشي ونتا حكم باش ما بغيتي سمعني مزيان أولدي انا غادي نعاود ليك القصة من لول حتى لآخر ومغاديش نكدب عليك فشي حاجة وراه الله شاهد عليا كنت عايش ف المغرب نقول ليك كانت عندي ديك 26 عام كنت متبع ديك طريقة الخيبة وكل مرة مقصر مع وحدة حتى وليت كنبغي وحدة من صحاب داكشي وقلت إلى تزوجت بيها غادي تبعد على هاد طريق وغادي نكون حتى انا درت شي حاجة زوينة فحياتي وفعلا العلاقة ديالنا كبرت وتزوجت بيها وبقات غادة العلاقة ديالنا مزيان ومكنتش عارف اش كانت كدير من ورا ضهري حتى لواحد نهار قلت ليها غادي نسافر على قبل شي حاجة هزيت صاكي وخرجت مشيت المحطة كلقا لكار ياله مشا ومكاين حتى كار باقي معليا غير نصبر حتى الصباح تميت راجع الدار وصلت فتحت لباب كنسمع صوت شي راجل بقيت غادي بشويا حتى كنوصل لبيت نعاس كلقاها ناعسة مع واحد آخر معرفتش راسي باش تبليت ديك ساع بديت كنخربق فيهم بجوج هو قدر يهرب من بين يدي أما كون قثلتو وهيا خرجتها من دار عريانة دايرة عليها غير ازار شدوها جيران واقيلة دخلوها انا خرجت ديك ساع مشيت حدا البحر وبديت كنكمي الحشيش حتى كتوقف عليا واحد خيتي كبيرة ف العمر كانت بلجيكيا بقات كتهضر معايا وخويت عليها قلبي فهماتني وأنا كنت قاري مزيان لمهم بقيت عليها واش كاينة شي طريقة بغيت نخرج من المغرب قالت ليا هيا راجلها مات وجات المغرب تبدل الجو غير بوحدها سيمانة وغادي تمشي وقالت ليا إلى بغيتي نديك معايا مرحبا خاص غير نتزوجو باش نقدر نقاد ليك الوارق وحتى لتما ونتفارقو ديك ساعة انا عجباتني الفكرة معندي لاش نبقا فهاد البلاد ديك ليلة نيت ديت معايا بلجيكيا الدار وبقات معايا وتزوجت بيها واخا باقي مزوج بمك دازت سيمانة سفارات معاها قادات ليا وراقي وبغيت نكمل معاها حياتي ولكن كانو عندها جوج ولاد كبار ومبغاونيش قالو ليها راجل مغريبي لا صافي شافت حتى عيات وطلقنا خرجت كنضبر على راسي حتى كنتلاقا. .. (يتبع..)