#
#الجزء 13
واش زعمة يكون بصح تابعني ولا غير جاب ليا الله قلبت دورة خاصني نتأكد تميت غادي كندور مكلقا حتى واحد فاااك خونا طار ولا كيفاش ؛ رجعت عند لاورا لقيتها ناعسة خليتها وخرجت من المستشفى جبدت تيلي صونيت على خونا لي كنت ربحت ليه طومبيل قلت ليه فين كاين نتا باش نمشيو يحول طومبيل بسميتي قال ليا البلاصة فين كاين مشيت عندو من تما نيشان سجلت طومبيل ف سميتي ولات ديالي دابا ..من بعد مشيت الصبيطار عند فرانك لقيتو باقي ف غيبوبة حتى واحد معارف امتا غادي افيق بقيت تنشوف من زجاج ودموع كينزلو ليا شويا كيصوني ليا تيلي جبدتو كلقا عشيرتو لينا ناري أش غادي نقول ليها دابا جاوبت ألو لينا صافا
-وي صافا علاش تيلي ديال فرانك مخدامش وحتا ديالك كان طافي أش واقع
- صراحة معندي منخبي عليك فرانك دار حديثة
-كيفاش واش كتهضر بصح فين كاين هو دابا واش وقعات ليه شي حاجة خايبة
-أجي عندي المستشفى فلان الفلاني انا غادي نتسناك ونشرح ليك كلشي
- واخا أنا دابا نكون عندك
بقيت كالس تما وكنفكر في بزاااف ديال الحوايج شويا كتوصل لينا سلمت عليا وهيا تقول ليا فين هو حبيبي فرانك قلت ليها تبعيني. ...دخلتها لعندو مع شافتو وهيا تبدا تبكي وبدأت تنبوس ليه فيدو بقيت مصدوم اواه زعمة هاد البنت كتبغيه بصح وغادي تبقا معاه إلى عرفات بلي هو عمرو غادي يوقف على رجليه ولكن انا مغادي نقول ليها والو دابا شفتها بقات كتبكي بزاااف وأنا نعنقها وقلت ليها غادي يولي بيخير إنشأ الله دابا هو راه داخل ف حالة غيبوبة وحتى شي واحد معارف امتا غادي يفتح عينيه
-منقدرش نعيش بلا بيه عاود ليا شنو وقع بضبط حتى وصل الهاد الحالة
-ياله نخرجو من هنا ونعاود ليك ....داكشي ليا درنا خرجنا من صبيطار كلسنا فواحد كافي وبديت تنعاود ليها على حياتنا وكيفاش عشنا وكيفاش حتى دخلنا السباق وداكشي وشنو وقع الفرانك. .قالت ليا انا عمري غادي نسمح فيه ولا نتخلى عليه خاص غير يفيق ويرجع ليا حياتي راه هيا حياتو ..صراحة فرحت فاش قالت هادشي مي كاع مقلت ليها راه مغاديش يقدر يوقف على رجلو وأنا نتفكر ديك ساعة الهضرة ديال دكتور يقدر يفقد ذاكرة وقالت ليا حنا غادي نعاونوه بزاااف باش يرجعها. .....لمهم داز شهر اه شهر كامل لاورا خرجت من مستشفى شافت دنيا كيف دايرة واخا هكاك كنهضرو عادي مبقاتش ديك رومانسية لي كانت حيت ديما كنعس حدا عشيري ف المستشفى نهار على نهار حتى فتح عينيه وكنت حداه ديك ساع اول كلمة قال هيا فين كاين انا
-انا دموع سالو ليا بالفرحة قلت ليه عشيري وأخيرا فقتي وأخيرا فتحتي عينك كنت خايف بزاااف لا تمشي وتخليني
-شكون نتا
-مارك عشيرك خوك واش معقلتيش عليا
-لا معاقل على والو فين انا وعلاش انا ناعس هنا
-واخا صافي تسنى نعيط ليك على دكتور ياله بغيت نوض نمشي نغوت عليه وهيا دخل لينا اصلا كانت ديما كتجي نشوفو وأنا نقول ل فرانك شوف هادشي واش تعقل عليها
-مكنعرفهاش ومعاقل على والو
-صافي من بعد ما يشوفك طبيب غادي نعاود ليك كلشي ..قلت لينا تبقا معاه على ماجيت مشيت عند طبيب وقلت ليه داكشي لي كنا خايفين منو هو لي وقع فقد ذاكرة
-إلى بغيتي صراحة مزيان ملي فقد ذاكرة حيت كون بقا عاقل على حياتو كيفاش كانت وكيفاش ولات غادي يكون صعيب عليه بزاااف ماشي بحال دابا غادي تبان ليه حياة جديدة بحالة غادي يبدا من زيرو
-ولكن راه في أي الحضة يقدر يرجع ذاكرة ديالو
-اه متافق معاك ديك ساعة غادي يكون تعوض على هاد الحياة لي فيها هو دابا واش فهمتي ياله خليني نمشي نشوفو
-واخا شكرا بزاااف وكنتمى هادشي يبقا بينتنا مبغيت حتى واحد يعرف بلي هو عمر غادي يوقف على رجليه
-كون هاني
مشينا عند فرانك دار ليه شي فوحصات وداكشي وقال ليا تبعني المكتب شويا ..مشيت معاه المكتب كلست وهو يكتب ليا شي دوا ف ورقة قال ليا ضروري يبقا يتبع هاد دوا مع راه ضعاف بزاااف وخاص تردو ليه بال وتهلاو فيه وعمر تخليوه بوحدو ديما يبقا معاه شي واحد لمهم غدة ف صباااح تقدرو تخرجوه من المستشفى ومتنساش تخلص تكاليف المستشفى
-واخا شكرا بزاااف
-هاد واجب
خرجت من المكتب غادي عند فرانك وكنفكر منين غادي نبدا ليه معرفتش شنو غادي تقول ليه ..وصلت عندو لقيتو كيحاول يوقف ولينا كتعاونو قلت ليها اش كديري راه ياله فاق ميقدرش يوقف على رجلو دابا وانا نقول ليه رتاح دابا
-بغيت نعرف شكون انا وكيفاش حتى وصلت هنا شنو وقع وشكون نتوما واش من عائلة ديالي
-انا هو عائلة ديالك واخا أنا غادي نعاود ليك كلشي قصتنا من لول وكيفاش وصلتي هنا ..بديت كنعاود ليه كلشي منين كنا فالخيرية وكل مرة كنقول هاهو غادي يعقل على شي حاجة ساعة والو بحالة شديتي شي كارط ميموار خاوية وأنا دابا كنعاود نعمرها. .لمهم عاوت ليه القصة كاملة وهو مصدوم مفاهم والو عنقتو وقلت ليه متخافش انا ديما فجنبك وغادي ترجع ذاكرة ديالك وتعقل على كلشي وهادي لي معانا هيا حبيبتك راه كتبغيك بزاااف وحتى نتا كنتي قلتي ليا بلي هادي هيا البنت لي غادي تكمل معاها حياتك مي نتا فقدتي ذاكرة دابا
-معرفتش شنو غادي نقول ليك حيت انا بصح مبقيت عاقل على والو واش نقدرو نخرجو من هنا
-اه غدا مع صبااح غادي نخرجك من هنا ...كنشوف في لينا كتبان ليا مصدومة وأنا نخرج وقلت ليها تبعني باش نخليو فرانك بوحدو ..شفت فيها وأنا نقول ليها لينا واش بقا فيك الحال حيت معقلش عليك فرانك
-صراحة اه كنت تنصاحب غير غادي يشوفني غادي يعنقني ويقول ليا كنبغيك
-واش من نيتك انا لي عشيرو من صغر ومعقلش عليا عادي جدا راه فقد ذاكرة وهنا فين خاصك توقفي فجنبو وتبقاي معاه حتى يوقف على رجليه ويرجع ذاكرة ديالو إلى كنتي بصح كتبغيه
-اه أنا عمري غادي نتخلى عليه وغادي نبقا ديما فجنبو واخا يوقع لي يوقع
-ميغسي بزاااف هو محتاج لينا نبقاو فجنبو
-معندكش لاش تشكرني راه حبيبي هاداك مستحيل نسمح فيه
-عارف الله اخليكم البعضياتكم. ...بقينا كنهضرو شويا كيصوني ليا تيلي جبدتو كلقى نمرة غريبة عليا اواه لاورا بدلت نمرة زعمة جاوبت ألو كنسمع صوت راجل قال ليا خرج برة ديال المستشفى غادي تلقى طومبيل كحلة طلع فيها .......(يتبع ..)