#الجزء 16
شويا كيبان ليا واحد شيباني كالس فكرسي وكيكمي مشيت عندو قلت ليه سلام واش شفتي واحد للبنت كانت واقفة لهيه لابسة لكحل معرفت فين مشات
-شفت طومبيل كحلة هبطو منها شي رجال شي صحاح وخطفو واحد البنت ولكن معرفتش واش نفس للبنت لي كتهضر عليها نتا ولا لا
- صافي شكرا بزاااف ...قلت ليه هادشي وشديت فراسي دنيا دارت بيا ديك ساعة معرفت مندير شكون هادو لي خطفو لاورا وعلاش خطفوها ناري ويكون هادشي بسباب داك خونا لي قال ليا هو الوليد والله حتى نقتلو. .شويا وهو يصوني ليا تيلي نمرة مطلعاش جاوبت كنسمع صوت لاورا كتبكي وهو يهضر واحد قال ليا إلى بغيتي حبيبتك تعيش خاصك تخلص دين لي على واليديها انا عارفك تقدر كيف قدرتي ترجع ليها البصر ديالها هاك هضر معاها ....
دوز ليا لاورا كتبكي وهيا تقول ليا مارك متعطيهم والو وعنداك تمشي حتى تجي عندهم كنبغيك بزاااف ..قالت هادشي وحيدو ليها تيلي مخلاونيش نهضر باقي وهو يقول ليا خونا مع 12 ديال ليل بلاصة فلان فلاني يكونو عندي فلوس (طلب واحد العدد كبير مستحيل نجمعو ) وقال ليا تاني عنداك تعلم لبوليس ديك ساعة غادي تشوف غير جثة ديال حبيبتك. ..وقطع خلاني مصدوم الدارجة طلقت تيلي من يدي جملة وحدة بقات كدور ليا فراسي هيا خاصك تخلص دين لي على الويديها. .بديت كرجع سينتا لور فاش قالت ليا لاورا بلي باباها سلف فلوس عند شي ناس خطيرين باش دار ليها عملية ومنجحتش ومقدرش يرجع ليهم لفلوس وقتلو باها ومها كيفاش زعمة من بعد هاد المدة كاملة لي دازت باقين عاقلين على لاورا وهاد العصابة باقة لعجب ؛ دابا منين غادي نجيب انا هاد الفلوس كاملة واخا نبيع الهلاوية وموحال واش نجمع هاد العدد ؛ شنو غادي ندير اسيدي ربي مال زهري ديما عووووع من دون ناس حتى حاجة مكتصدق ليا كنتفك من مشكل كنطيح فواحد كثر منو ياربي دير لي فيها الخير ...مشيت طلعت ف طومبيل ديالي مشيت جنب البحر وكلست كنفكر قالك 12 ديال ليل نكون عندو مع لفلوس عندي حل واحد وهو داك خونا بغيت نقول الوليد زعمة هو لي غادي يعاوني ولكن فين هيا نفس لي نمشي عندو ونقول ليه خصاني فلوس لا لا مستحيل نديرها غادي نمشي الديك البلاصة لي قال ليا وبلى فلوس ونهضر معاه نقدرو نوصلو لشي حل لي ليها ليها. ..بقيت كالس حدا البحر معرفت نضحك ولا نبكي على زهري لمعوج واش هادشي كامل مكتاب عليا نعيشو ولا كيفاش وعلم الله اش باقي مخبي ليا القدر ديالي ؛؛ جمعت الوقفة مشيت عند عشيري فرانك المستشفى بقيت معاه حتى قربت 12 ديال ليل وخليتو ومشيت طلعت ف طومبيل نيشان الداك العنوان كنوصل واحد معمل كبير وهو يصوني ليا تيلي ديك ساعة جاوبت ألو
-12 هيا هادي واش جايب لفلوس
-انا حدا واحد لمعمل
-اه مزيان غادي بان ليك واحد لباب صغير دخل معاه حسب 10 خطوات وحبس
-أوك. .قطعت وتميت غادي صراحة مخلوع شويا وصلت عند داك لباب تميت داخل معاه وضلام 10 خطوات بالحساب وحبست كلشي كيبان ليا كحل وقلبي كيضرب 180 دارجة وهو يشعل ضو تصدمت ف بلاصتي فاااك هادشي بزاف جاب ليا الله بحالة مثل فشي فيلم هندي وأنا هو البطل جاي ينقد حبيبتو. ... (يتبع. ..)
-شفت طومبيل كحلة هبطو منها شي رجال شي صحاح وخطفو واحد البنت ولكن معرفتش واش نفس للبنت لي كتهضر عليها نتا ولا لا
- صافي شكرا بزاااف ...قلت ليه هادشي وشديت فراسي دنيا دارت بيا ديك ساعة معرفت مندير شكون هادو لي خطفو لاورا وعلاش خطفوها ناري ويكون هادشي بسباب داك خونا لي قال ليا هو الوليد والله حتى نقتلو. .شويا وهو يصوني ليا تيلي نمرة مطلعاش جاوبت كنسمع صوت لاورا كتبكي وهو يهضر واحد قال ليا إلى بغيتي حبيبتك تعيش خاصك تخلص دين لي على واليديها انا عارفك تقدر كيف قدرتي ترجع ليها البصر ديالها هاك هضر معاها ....
دوز ليا لاورا كتبكي وهيا تقول ليا مارك متعطيهم والو وعنداك تمشي حتى تجي عندهم كنبغيك بزاااف ..قالت هادشي وحيدو ليها تيلي مخلاونيش نهضر باقي وهو يقول ليا خونا مع 12 ديال ليل بلاصة فلان فلاني يكونو عندي فلوس (طلب واحد العدد كبير مستحيل نجمعو ) وقال ليا تاني عنداك تعلم لبوليس ديك ساعة غادي تشوف غير جثة ديال حبيبتك. ..وقطع خلاني مصدوم الدارجة طلقت تيلي من يدي جملة وحدة بقات كدور ليا فراسي هيا خاصك تخلص دين لي على الويديها. .بديت كرجع سينتا لور فاش قالت ليا لاورا بلي باباها سلف فلوس عند شي ناس خطيرين باش دار ليها عملية ومنجحتش ومقدرش يرجع ليهم لفلوس وقتلو باها ومها كيفاش زعمة من بعد هاد المدة كاملة لي دازت باقين عاقلين على لاورا وهاد العصابة باقة لعجب ؛ دابا منين غادي نجيب انا هاد الفلوس كاملة واخا نبيع الهلاوية وموحال واش نجمع هاد العدد ؛ شنو غادي ندير اسيدي ربي مال زهري ديما عووووع من دون ناس حتى حاجة مكتصدق ليا كنتفك من مشكل كنطيح فواحد كثر منو ياربي دير لي فيها الخير ...مشيت طلعت ف طومبيل ديالي مشيت جنب البحر وكلست كنفكر قالك 12 ديال ليل نكون عندو مع لفلوس عندي حل واحد وهو داك خونا بغيت نقول الوليد زعمة هو لي غادي يعاوني ولكن فين هيا نفس لي نمشي عندو ونقول ليه خصاني فلوس لا لا مستحيل نديرها غادي نمشي الديك البلاصة لي قال ليا وبلى فلوس ونهضر معاه نقدرو نوصلو لشي حل لي ليها ليها. ..بقيت كالس حدا البحر معرفت نضحك ولا نبكي على زهري لمعوج واش هادشي كامل مكتاب عليا نعيشو ولا كيفاش وعلم الله اش باقي مخبي ليا القدر ديالي ؛؛ جمعت الوقفة مشيت عند عشيري فرانك المستشفى بقيت معاه حتى قربت 12 ديال ليل وخليتو ومشيت طلعت ف طومبيل نيشان الداك العنوان كنوصل واحد معمل كبير وهو يصوني ليا تيلي ديك ساعة جاوبت ألو
-12 هيا هادي واش جايب لفلوس
-انا حدا واحد لمعمل
-اه مزيان غادي بان ليك واحد لباب صغير دخل معاه حسب 10 خطوات وحبس
-أوك. .قطعت وتميت غادي صراحة مخلوع شويا وصلت عند داك لباب تميت داخل معاه وضلام 10 خطوات بالحساب وحبست كلشي كيبان ليا كحل وقلبي كيضرب 180 دارجة وهو يشعل ضو تصدمت ف بلاصتي فاااك هادشي بزاف جاب ليا الله بحالة مثل فشي فيلم هندي وأنا هو البطل جاي ينقد حبيبتو. ... (يتبع. ..)
